KUSHTET
Këto kushte rregullojnë përdorimin e faqes, konfiguratorit, dyqanit, llogarisë dhe porosive për kartat metalike të personalizuara të Uniq Card Premium.
Përditësuar më 2 nëntor 2026
Këto kushte zbatohen në pajtim me Ligjin Nr. 06/L-034 për Mbrojtjen e Konsumatorit, Ligjin Nr. 06/L-082 për Mbrojtjen e të Dhënave Personale dhe legjislacionin tjetër në fuqi në Republikën e Kosovës.
Kur bëni porosi, duhet t'i pranoni shprehimisht këto kushte dhe Politikën e Kthimeve. Ruajmë kohën e pranimit dhe versionin e kushteve që keni pranuar.
Çdo porosi rregullohet nga versioni i kushteve që ishte në fuqi kur u bë porosia.
Uniq Card Premium prodhon karta metalike të personalizuara. Çipi i kartës suaj ekzistuese transferohet në trupin metalik. Ofrojmë dy lloje kartash: karta standarde funksionon vetëm për pagesa me çip (pagesat pa kontakt nuk mbështeten), ndërsa karta contactless funksionon edhe për pagesa me çip, edhe për pagesa pa kontakt. Karta contactless ofrohet vetëm në ngjyrat që konfiguratori i shfaq për të. Lloji i kartës zgjidhet në konfigurator para porosisë.
Pamja paraprake në konfigurator është paraqitje e përafërt e produktit. Mund të ketë ndryshime të vogla në ngjyrë, finish dhe gravim.
Ju jeni përgjegjës që tekstet, logot dhe imazhet që ngarkoni t'ju përkasin ose t'i përdorni me autorizim. Nuk lejohet përmbajtje e paligjshme, mashtruese, fyese ose që cenon të drejtat e të tjerëve, përfshirë markat tregtare.
Pranohen imazhe PNG ose JPG deri në 5 MB dhe 25 megapikselë secili, deri në 3 për çdo anë të kartës, dhe gjithsej deri në 25 MB dhe 60 megapikselë për porosi.
Mund të refuzojmë prodhimin e përmbajtjes së paligjshme, që cenon të drejtat e të tjerëve ose që teknikisht nuk mund të gravohet. Në atë rast ju kontaktojmë për ta ndryshuar ose për ta anuluar porosinë pa asnjë kosto për ju.
Pagesa bëhet vetëm me para në dorë te korrieri në momentin e dorëzimit. Në faqe nuk kryhet asnjë pagesë online.
Karta prodhohet posaçërisht për ju. Nëse, pasi ka filluar prodhimi, e refuzoni dorëzimin pa arsye të ligjshme (jo për shkak të vonesës ose mospërputhjes nga ana jonë), mund t'ju kërkojmë kompensimin e kostove të dokumentuara të prodhimit dhe transportit, jo më shumë se totali i porosisë, dhe mund të refuzojmë porositë e ardhshme. Kartën e refuzuar e ruajmë për ju 30 ditë; brenda këtij afati mund ta merrni pasi të paguani totalin.
Dorëzojmë vetëm në Kosovë, Shqipëri dhe Maqedoninë e Veriut, në adresën që jepni gjatë porosisë. Detajet janë në Politikën e Transportit.
Prodhimi zakonisht zgjat 7-14 ditë pune pasi të marrim kartën tuaj origjinale. Nëse nuk bihet dakord ndryshe, porosinë e dorëzojmë jo më vonë se 30 ditë nga dita kur marrim kartën origjinale. Nëse nuk e respektojmë këtë afat, mund të na caktoni një afat shtesë të arsyeshëm; nëse as atëherë nuk e dorëzojmë, mund ta anuloni porosinë pa kosto dhe ju kthejmë kartën origjinale.
Porosinë mund ta anuloni pa asnjë kosto derisa të fillojë prodhimi. Prodhimi nuk fillon para se të marrim kartën tuaj origjinale dhe para se t'ju njoftojmë me telefon ose email. Statusin mund ta shihni në llogari ose të na e kërkoni në çdo kohë. Për anulim na kontaktoni me numrin e porosisë dhe emailin e përdorur gjatë porosisë.
Sipas Ligjit Nr. 06/L-034, për kontratat në distancë konsumatori zakonisht ka të drejtë të tërhiqet brenda 14 ditëve. Kjo e drejtë nuk zbatohet për mallra të prodhuara sipas specifikimeve të konsumatorit ose qartazi të personalizuara. Çdo kartë e jona prodhohet me çipin tuaj dhe sipas zgjedhjeve tuaja, prandaj pasi fillon prodhimi nuk mund të anulohet dhe nuk mund të kthehet për shkak të ndryshimit të mendjes.
Kjo nuk i prek të drejtat tuaja kur produkti ka defekt ose nuk përputhet me porosinë. Shihni Politikën e Kthimeve.
Llogarinë mund ta përdorni për të parë porositë, për të ndryshuar të dhënat, për të shkarkuar të dhënat tuaja ose për ta fshirë llogarinë. Ju jeni përgjegjës për ruajtjen e fjalëkalimit.
Nëse emaili juaj është përdorur më parë për porosi, llogaria aktivizohet vetëm pasi të vërtetoni se e zotëroni atë email: përmes linkut që dërgojmë në atë email ose duke hyrë me Google me të njëjtin email.
Mund ta bllokojmë një llogari që përdoret për abuzim ose mashtrim. Nëse dyshoni për përdorim të paautorizuar, ndryshoni fjalëkalimin dhe na kontaktoni menjëherë.
Nuk mbajmë përgjegjësi për vonesa ose dëme që shkaktohen nga të dhëna të pasakta që jepni ju, nga përmbajtja që ngarkoni pa autorizim, nga vendimet e bankës suaj lidhur me kartën, ose nga rrethana jashtë kontrollit tonë të arsyeshëm.
Asgjë në këto kushte nuk i kufizon të drejtat tuaja të detyrueshme si konsumator sipas ligjit të Kosovës. Kjo përfshin përgjegjësinë tonë për produkte që nuk përputhen me porosinë dhe për dëmet e shkaktuara me fajin tonë.
Këto kushte rregullohen nga ligjet e Republikës së Kosovës. Mosmarrëveshjet përpiqemi t'i zgjidhim fillimisht me marrëveshje. Përndryshe ato zgjidhen nga gjykata kompetente në Kosovë, pa cenuar të drejtat tuaja të detyrueshme si konsumator.
Mund t'i përditësojmë këto kushte kur ndryshojnë shërbimet ose kërkesat ligjore. Versioni i ri zbatohet vetëm për porositë e bëra pas datës së përditësimit.
